Ջերմոց՝ ակվապոնիկ համակարգով

Էկոլոգիապես առողջ սնունդ, ջրի արդյունավետ օգտագործում և մի քանի անգամ բարձր արտադրողականություն: Սյունիքի մարզի Կապան քաղաքի նորաբաց ջերմոցում բույսերի արմատները ոչ թե հողում են, այլ ազատ լողում են, սնվում են բացառապես ձկան արտաթորանքով, միաժամանակ ապահովելով ձկների կենսագործունեությունը:

Ակվապոնիկ համակարգով ջերմոց հիմնելու գաղափարը «Գրին Էյջ» կազմակերպության հիմնադիր, բնապահպան-կենսաբան Գրիգոր Ջանոյանինն է: Արմավիրի մարզում առաջին ջերմոցի հաջողությունից հետո արդեն փորձարկված տեխնոլոգիան ներդրել է Կապանում՝ «Հանրային դիվանագիտություն» բարեգործական հասարակական կազմակերպության աջակցությամբ: